羽毛球球例電子版

老馬在做羽毛球裁判時, 常常覺得要帶住本印刷版o既球例係身, 以便不時之需非常唔方便, 無奈羽總又無電子版提供, 其實係現今訉息社會, 應該與時並進, 老馬只好略盡綿力, 自行制作電子版, 以方便有此需要之仕。

羽毛球規則電子版

GoPro Hero3 Black edition 準備篇

足足買左半年，到依家先得閒寫下呢部野，其實網上一直口碑唔錯，但老馬就無留意開，直至美國首發開賣，一朋友在 fackbbok 說他已在美國可代購，而價錢比香港買有大量折讓，老馬才一時興起購入，到手後才開始在網上搜尋及硏究，先看看這部 black edition 的包裝和附件。

首先謂下個包裝就真係有別其他電子產品，好多依家 d 電子產品都講緊用簡約包裝，用個有o甘細得o甘細o既無乜印刷紙盒就算。而 Gopro 就用一個透明膠盒做盒蓋，下面係一個雙層包裝o既紙盒，可能呢 d 就係美國佬產品同日韓系o既分別。

呢個就係裝住部機主體o既膠盒，佢同時亦都係下面紙盒o既盒蓋。

Gopro o既銷售手法真係無敵，唔理你用唔用得著，總之一個 package 將一大堆野包晒俾你。打開個紙盒就係裝晒下面張相入面o既野。

首先就係呢個 housing，還好老馬都係打算用黎潛水影下野，所以都挺用得著。

 

呢個就係其中一個老馬確得呃錢o既附件 - wifi 遙控，Gopro 本身我免費下戴 iOS 或 Android 版 Apps，可經 wifi 改變任何 setting 仲有 pre-view 功能，能力比呢個單獨賣成 7X 美金o既遙控都唔知強幾多倍，偏偏就話之你死係都要你買埋。

個 wifi 遙控連條 charge 電 cable 都仆街過人，好彩老馬跟本唔會用個遙控，如果唔係條 cable 有乜冬瓜豆腐要買過條，盛惠美金 19.99。

唔似買電話 gopro 係無記憶咭送o既，所以只有乖乖掏銀包買左張佢建議使用o既 32GB sandisk class 10 microSDHC，費事一陣又話有乜兼容問題唔 support。

無用o既俾一大堆你，最有用o既火牛就欠奉，浄係跟條 miniUSB cable 俾你，想要牙？ 多謝美金 39.99 la ... 死未？ 所以老馬決定用 iPad 隻火牛黎 charge 算o勒，呢一 charge 又足足三個鐘頭 ... 下回再續

羽毛球發球違例之我見

    呢個 topic 老馬想寫已經好耐，可惜動筆之後遲遲未能完成，有見好多時o係討論區有關羽毛球o既討論, 甚至日常去打波, 好多時都為發球達例引起爭拗, 其實老馬認為又唔係正式比賽, 只係工餘娛樂下又毋須太執著, 記得上裁判班時有師兄講過, 關於發球o既球例都係為想限制左發球者唔可以開出有攻擊力o既波, 即係話正常人係球例限制下根本難以發力去開出有攻擊能力o既波, 所以只睇發球線路已經知有無發球達例。 又試下用羽毛球球例第九條有關發球o既球例睇睇限制左 d 乜野。

9    發球

9.1    於正確發球時

9.1.1    一旦發球員和接發球員站好位置，發球時任何一方都不允許過度的延誤發球；當發球員的拍頭已完成向後揮動時，在發球開始(規則 9.2)的任何延誤則為過度的延誤。

    呢條球倒主要係規限左發球與接發雙方o係對方準備動作, 刻意阻礙對方o既流暢性, 最明顯就係發球方拉左拍準備發球時, 接發方舉手示意未準備好, 好多時呢 d 都係心理戰。

9.1.2    發球員和接發球員都必須站在斜對角發球區內發球和接發球，腳不能觸及發球區的界線；

    打開波o既都好少話會企到出晒界o既, 最普遍o既情况都係踩左係線上, 或者掂制條線而不自覺。 

9.1.3    發球開始(規則 9.2)時，發球員和接發球員的兩腳都必須有一部份與地面接觸，不得移動，直至將球發出(規則 9.3) 。

    呢條好大情度上係針對接發方多過發球方, 因為好多時只要發球方一拉拍，接發方提早起動俗稱偷步, 就會好容易搶例高點擊球, 令對方處於被動, 即係常常稱雙打最注重o既頭三拍。

9.1.4    發球員的球拍必須先擊中球托

    呢條真係有故講下 la, 話說老馬細個打波時, 有一種發球方法係將個波羽毛向上波頭向下, 然後將塊拍斜斜刷羽毛將個波開過去。而呢種發球方式o既效果就係個波開過去有旋同好飄忽o既, 令對方好難捉摸個波o既方向, 中國隊當時淨係靠呢種開波方法已經可以發球得分, 對中國人有利o既野, 鬼佬自然睇唔過眼。終於o係 1982 年 7 月 1 日禁止呢種發球方式, 而呢條例就主要係針對呢種發球方式。以下係網上搵倒關於呢種發球方式o既歷史:

    第5屆全國運動會在上海舉行。在上海體育館的羽毛球比賽場上，曾獲得1978年曼谷亞運會女子單打冠軍和1979年第4屆全運會女子單打冠軍的劉霞出戰名不見經傳的浙江選手。一上場，浙江選手突然發起了旋轉球，她發出的球，飛行路線不是正常的軌跡，而是忽上忽下，忽左忽右，並帶著旋轉直向劉霞場內飄來，一直到球落地還在打轉轉。劉霞看著這不斷旋轉的球不知從何下拍，挑輕了下網，挑重了出界，最後竟以0比15、5比15敗下陣來。

    旋轉發球又名飄球，20世紀70年代末由馬來西亞羽毛球運動員西德克三兄弟發明使用，故亦稱「西德克發球」。旋轉發球特點是發球時倒拿羽毛球，用反手動作擊打羽毛部分，使球在飛行過程中不斷旋轉，使球的行蹤飄忽不定，從而給接球隊員造成困難，常使人還未回過神就敗下陣來。因用於比賽取得驚人效果，世界羽壇很快就出現了一股「旋風」。國內外一批名將都被這種旋轉球「轉」得「頭暈目眩」，往往只能得幾分，在第一輪就慘遭淘汰。一時間，真可謂談「旋」色變。

    與此同時，國際上也就「旋轉發球」展開爭論。丹麥、英國等國認為這種發球「違反規則」應予取消。1981年5月，國際羽聯和世界羽聯聯合後的首次大會上，丹麥、英國等國再次提出要修改規則禁止這種發球，而馬來西亞、印度尼西亞等國反對。中國當時已掌握這種技術，在國際大賽中運用效果很好，因此支持馬來西亞、印度尼西亞等國的觀點。最後投票表決，結果主張禁止的51票，反對禁止的35票，提案因未達到2／3以上票數被否決。

    1982年3月24日—28日，在溫布利全英羽毛球公開錦標賽上，中國選手運用旋轉發球取得較好成績，發明者西德克兄弟亦戰勝諸多強手，奪得男子雙打冠軍。1982年5月8日—23日，第12屆湯姆斯杯賽上，中國選手繼續運用這種發球技術，發揮了很大威力，致使反對旋轉發球的呼聲趨於強烈。

    1982年5月15日，在湯姆斯杯賽期間召開的國際羽聯年會上，討論是否禁用旋轉發球。丹麥提案認為：如果拍子接觸的第一個點不是羽毛球基部則是發球失誤。國際羽聯主席克雷格．裡也認為「旋轉發球使發球方佔了很大便宜」。國際羽聯和中國羽協的一批技術官員也召開緊急會議，從技術上研究旋轉發球的問題。通過技術鑒定，專家論證，最後一直認為，發旋轉球使球毛和球頭同時接觸拍面，造成「連擊」動作。根據羽毛球規則，「連擊」屬犯規動作，應判違例。

    最後對丹麥的提案投票表決結果是：91票贊成禁用，1票反對，3票棄權。國際羽聯遂作出最終裁決：從1982年7月1日起，禁止在比賽中使用旋轉發球。直到此時，歷時一年多的羽壇「旋風」才飄然逝去。

9.1.5    發球員擊球瞬間整個球要低於發球員的腰部。發球員最低一根肋骨的水平切線。

    呢條係現今球場上最常見犯例o既中一條, 就算睇職業賽好多國際级球手一樣會犯, 佢地唔係唔知犯例, 只係過腰發球被對方撲網攔截o既機會細左, 所以佢地就挑戰發球裁判o既底缐, 你唔 fault 佢，佢就會嘗試越開越高。而係業餘o既 friendly game 中好都會過腰而不自知，點睇倒? 好簡單 ... 你見佢得 5 尺零，點可能開波個波會由網頂向下墮，而中間個波無向上飛行o既時間產生。

9.1.6    擊球瞬間拍桿應指向下方。

    呢條同上一條一樣, 無論業餘同職業球手都好容易犯o既球例, 通常開 fake service 即開波去人後場, 就最易見倒呢個情況。都係果句職業球手又點會唔知自已犯規丫, 所以睇國際比賽見球手向裁判投訴得最多就係呢條。而業餘 friendly game 見最多就係 d 阿叔用黎屈 d 師奶機, 通常開親呢類波果 d 都唔荒好波得去邊, 老馬曾經見過有 d 直情過手過腰用齊, 開波攞完分仲要厚面皮到話呢 d 係佢o既技術, 真係無言。

9.1.7    發球開始(規則 9.2)後，發球員的球拍必須連續向前揮動，直至將球發出(規則 9.2)；

做裁判判呢條例都幾講經驗, 好多人唔係刻意犯規, 係佢習慣左又或者根本一直以來個發球節奏有問題, 唔通每球發球判晒佢違例, 咁場比賽唔使打o勒, 提早收得工。當然亦有刻意拉完拍向前唔打中個波, 或者中途停一停再擊球, 試圖擾亂接發方起動節奏。

9.1.8    發出的球必須向上飛行過網，如果未被攔截，應落入規定的接發球區內(即落在界線上或界線內)；和

    好多人都忽略左呢條例, 亦係最先講o既發球向上問題, 只要你開波個波唔係向上, 已經 fault 得你, 所以就係文首引述師兄講o既, 睇你開波o既飛行路線, 已經知你有無發球違例。

9.1.9    球員試圖發球時，不可擊不中球

    呢條唔使講開波打唔中個波唔係重發, 係無左一分。

iPolar IP-8011 實測

今次老馬用黎做測試o既係 Samsung Galaxy S2, 呢部野都同老為一樣一把年纪
况且仲畀老馬跌過多次, 全身崩崩花花傷痕累累
為左要 d 數據準 d, 老馬刻意要將部 S2 用到無電自動熄機先開始插舊電入去 charge
而用個最高輸出為 1A o既 USB Out 1, 經過左成 4 個頭零 10 分鐘
部 S2 終於由 0 charge 到上 100%
好奇怪明明已經 charge 左 4 粒幾鐘
但果四粒 LED 無熄到, 依息顯示滿電 100% 狀態, 令人費解

開始 charge 第二次o勒

今次一樣係用到部電話自動熄機先開始

第三次 charge 依然係從自動熄機開始 charge 起

到 charge 到 96% 電源已經耗盡

今次試用最高輸出為 2A o既 USB Out 2 黎 charge 一部完全無電o既 iPad 2

结果經過 3 個半鐘頭之後
舊電已經自動熄滅
而部 iPad 2 只係 charge 左 77%

整體黎講可以將電話 charge 倒差唔多三次
但 iPad 2 連一次都 charge 未免強差人意
相比老馬先前用但已壽終正寢o既  ZaggSparq 2.0 各有優劣

iPolar IP-8011 可能真係用左 Sanyo 電o既關係
老馬試過成過月都無走電
依然可以照 charge 無誤
相反之前o既   ZaggSparq 2.0 就算唔用

通常一星期度就會無晒電
下下要 re-charge 好麻煩
但   ZaggSparq 2.0 就内置變壓器可以一面自己 charge 電兼幫唔同o既 device 一齊 charge

而 iPolar IP-8011 就要帶多個火牛或靠電腦 USB 黎 charge

漫遊至抵傾儲值咭

老馬因先前學人炒 iPhone, 以至多出左一堆月費電話咭,
雖然 cover 晒 d 合約電話費仲有 d 賺
但就個個月白交月費而 d 咭就用唔著
確實比較浪費
得知原來中國移動o既電話儲值咭可以將自己個電話號碼套入去用
用黎飛線去果堆月費咭度用, 一個月都係扣 15 蚊
老馬就可以一個月慳返 SmarTone 果二百幾蚊月費
又可以 keep 返老馬果個用左廾幾年o既電話號碼
先前同事話畀老馬知 28 蚊有交易
本來純粹用黎飛線就真係夠晒用
但發現中國移動另一張叫"漫遊至抵傾儲值咭"
入面包o既野又好似幾o岩老馬黎緊o既大計用 wur
88 蚊比當初心目中o既 28 蚊確實係貴左幾倍
不過儲值額將來都用得返
最主要 28 蚊果張o既增值期係 90 日
而呢張個增值期係 180 日
即係可以唔使成日不停增值
因為如果過左增值期唔去增值
個用開o既電話號碼亦隨之消失

好 ... 又抄一抄呢張咭 d 收費同操作方法先

本地通話費低至每分鐘 $0.05

繁忙時間每分鐘亦只需 $0.12

「一咭多號」服務：

於全中國

接聽來電/致電國內$0.65/分鐘；致電香港$1/分鐘

首次登記接駁鈴聲服務：首月送自選接駁鈴聲一首（優惠期有限）

免按金、即買即用

免按金即享 IDD 及漫遊服務

隨時增值並沿用一個電話號碼，即享額外最高 33% 儲值額

多功能增值服務，配合不同客戶需要

適合於各款 GSM1800、GSM 雙頻、三頻及四頻流動電話

客戶可攜帶號碼轉用 PEOPLES 各款儲值咭，手續費全免

啟用服務

只須於香港直接打出首個本地或長途電話（或可免費致電 193193），即可啟用服務。（在電話接駁途中，請根據系統指示選擇語言，系統會讀出儲值卡之流動電話號碼、儲值額及有效日期，有關資料亦會以短訊傳送至您的手機）。

儲值卡之使用有效日期為啟用日期起計 180 天。

查詢流動電話號碼、儲值卡餘額、儲值卡/來電轉駁服務/留言及傳真訊箱有效日期(免費)：

於手機上按 “*#130#” “send”；或

致電193193。客戶亦可查詢來電轉駁服務/留言及傳真訊箱的下次收費日期，或更改話音指示語言。

國際長途電話（IDD）

按 “001”或 “+”（國家號碼）（地區號碼）（電話號碼）Send

（「IDD漫遊儲值卡」並不能接聽由接線生接駁之長途電話）

未接來電提示：

當你正在使用電話，或電話無人接聽、未能接通或關掉，「未接來電提示」功能可為您記下錯過之電話號碼、來電日期及時間，然後在您的手機再接通時，經短訊將有關資料通知您。

啟動：*131#SEND

取消：##131#SEND

來電者須備有來電顯示功能。

使用「未接來電提示」前，須先取消有關來電轉駁及留言訊箱服務。

若您的手機一直不能接通，提示便會自動取消。

來電轉駁服務

只需以手機致電193193或輸入下列指定代號，即可申請開啟有關服務及將來電轉駁至指定電話號碼：

開啟服務：*133#SEND

終止服務：##133#SEND

啟動或取消轉駁電話：

所有來電轉駁

啟動：    *134*（電話號碼）#SEND

取消：    ##134#SEND

通話中及未能接通來電轉駁

啟動：    *136*（電話號碼）#SEND

取消：    ##136#SEND

無人接聽來電轉駁

啟動：    *137*（電話號碼）#SEND

取消：    ##137#SEND

留言及傳真訊箱

申請服務可致電139139根據指示申請開啟/取消服務，或輸入下列代號：

開啟服務：*132#SEND

終止服務：##132#SEND

新客戶設定留言訊箱：

以手機致電 218聽取新用戶簡介並按照指示錄下來電恭候語及設立私人密碼

收聽留言：

以用戶手機致電218根據指示收聽；或

以其他電話致電 92089218根據指示收聽

接收傳真：

要接收傳真，客戶只須取消各項來電轉駁服務及將手機關掉即可。

編印傳真：

透過附有聽筒之傳真機致電92089218 根據指示編印

備注：如客戶同時選用來電轉駁及留言訊箱，所有未能接聽的來電將會自動轉駁至留言訊箱。客戶可按情況選擇將來電轉駁至指定號碼。

來電待接及來電暫待服務

當您正在使用電話時，來電待接會提示您另有來電。您可選擇繼續原先的通話或接聽另一來電；而來電暫待功能則可讓您將原有的通話保留待接，以便作出私人對話或處理緊急事宜。

啟動：    *43#SEND

取消：    #43#SEND

查詢服務狀態： *#43#SEND

「一咭多號服務」

一張儲值咭同時擁有香港及國內號碼，往返全中國^，自動轉換號碼，毋須飛線或換咭。

通行証類別 開啟服務 終止服務 查詢服務有效日期

1日通行証 *110*1*01#

7日通行証 *110*1*07# ##110*1# *#110#

30日通行証 *110*1*30#

^不包括香港、澳門及台灣。

為確保客戶能享用「一咭多號」服務，請在香港境內申請。

「一咭多號」服務撥號方法與直撥漫遊相同。

至抵傾組合

透過「至抵傾組合」，即可以劃一價每分鐘$0.03與3位至親好友通話。

開啟服務: *145*1#SEND

加入電話號碼: *145*2*電話號碼#SEND

取消已登記電話號碼: *145*3*電話號碼#SEND

顯示好友名單: *145*4#SEND

終止服務: ##145#SEND

流動數據服務

透過「流動數據服務」，客戶便可經由手機發出或接收數據檔案，享用一系列與數據傳輸有關的服務。

啟動及取消「流動數據服務」

啟動：

於手機上按*106*01#SEND 啟動「多媒體訊息服務」及「GPRS服務」

成功啟動後，你將會收到中文及英文確定短訊通知

取消：

於手機上按 *106*02#SEND取消

下載手機數據傳輸設定

致電 #888再按 4、2 根據指示儲存

（適用於指定手機型號；有關其他手機設定資料，請於「手機系列」網頁內選擇想查詢的手機型號）

開啟及終止「流動數據組合」

申請「流動數據組合」，可享每月無限任用優惠，可輸入下列代號開啟/終止服務：

開啟服務：*103*01#SEND

終止服務：*103*02#SEND

進入 COLOR 流動網站方法

漫遊使用方法

撥號方法

1. 直撥漫遊

漫遊國家/地區 網絡供應商 致電回港之撥號方法 致電當地之撥號方法 致電其他國家之撥號方法

中國 中國移動 + 852（香港電話號碼）    請直接致電當地電話號碼 +（國家號碼）（地區號碼）（電話號碼）

澳門 CTM

台灣 Far EasTone

馬來西亞 Maxis/Digi

2. ＊130＊漫遊

請按以下情況順序按鍵，當手機屏幕出現 "Request Accepted"，系統會自動致電您的手機，當您接聽電話後，系統便會接駁到您所打出的電話號碼。

致電回港

請按：＊130＊（香港電話號碼）#SEND

（不需按香港號碼"852"）

致電當地╱其他國家

請按：＊130＊001（當地/其他國家號碼）（地區號碼）（電話號碼）#SEND

透過手機取消╱重新啟用漫遊服務

取消漫遊服務

請按 *109*02#SEND

重新啟用漫遊服務

請按*109*01#SEND（只適用於香港）

增值、查詢電話號碼、餘額、有效日期*

以增值券增值：

按*139*（16 位數字啟用密碼）#SEND

查詢電話號碼、餘額、儲值卡/來電轉駁服務/留言及傳真訊箱有效日期：

按*#130#SEND

＊資料會以短訊形式傳送至客戶手機屏幕上。 留言訊箱

設定留言訊箱或收聽留言：請按 *130*218#SEND

收聽資訊服務

191 萬事通熱線：請按 *130*191#SEND

198 財經資訊熱線：請按*130*198#SEND

漫遊時若手機未能自動選定網絡，請參考手機的用戶手冊，並自行設定網絡經營商。假若網絡設定後仍不能打出電話，請關機重開，重新撥號。如致電多次仍未能成功，可嘗試選擇另一網絡經營商。

於離港前，請確保儲值卡有足夠金額，您亦可預先購買增值券於海外增值。

國際飛線漫遊服務及使用方法

您只要已啟動「來電轉駁服務」，便可以隨時在本港或支援漫遊的海外地區，輸入下列代號免費啟動或取消「國際飛線漫遊服務」，將來電轉駁至海外的固網或流動電話號碼。

啟動服務：*134*001（國家號碼）（地區號碼）（當地電話號碼）#SEND

取消服務：##134#SEND

如您身在香港，亦可致電193193啟用或取消「國際飛線漫遊服務」。

私人密碼

儲值卡的私人密碼（PIN Code）均預設為 "8888"。若連續 3 次錯誤輸入私人密碼，儲值卡將會被永久鎖上，並無法再次被使用。PEOPLES 對以上情況所導致的損失恕不負責。

iPolar IP-8011 初體驗

最近因為部手提電話舊 spare 電死o左, 幾經考慮之後, 最終都係決定買舊俗稱尿袋o既外置電算o勒, 一來可以幫埋部 iPad charge, 將來換新電話都可以用得返。
唔睇尤自可一做下 research, 嘩! 市場上林林種種不下過百款選擇, 無論顏色大小, 以至電量形狀, 價錢產地等, 花多眼亂。不過綜合各家說法, 強國出品雖然價廉物美, 但傳又話電量唔足又話會爆炸, 畢竟老馬一把年紀, 係比較怕死 d, 口碑都以日本出產o既牌子比較有信心, 而當中就以 Sanyo eneloop mobile booster 同 Panasonic qe-pl301 最多人推崇, 當然一分錢一分貸, 價錢亦都相對貴到好難接受。

於是抱住碰下運氣o既心態, 行落去黃金逛下, 睇睇有無收獲, 行左幾間鋪大致都係同先前做o既 research 差唔多, 多數都係大陸牌子又或者係大陸造o既土炮牌子, 正正諗住無乜驚喜都諗住望多兩眼就離開之際, 係其中一間鋪頭俾幾個字吸引左老馬o既目光, 唔好問我邊間鋪頭, 因為黃金賣 accessories o既鋪頭間間都差唔多樣, 好多間仲同一個老细嫁添, 所以我真係唔知果間鋪叫乜名, 而吸引老馬目光o既當然唔係看鋪果位戴眼鏡o既 90 後哥哥仔同無乜笑容o既肥師奶 la, 而係其中一個尿袋o既包裝上面寫住 "採用日本三洋電池", 再仔細打量下個 look 同大細都幾合我眼緣, 8400mAh 仲有三隻顏色揀, 老馬當然唔會揀埋 d 小妹妹最多o既粉红色 la, 最後都係揀左個全白色, 都係老馬o既老鬼心態作崇, 如果有全黑色我會揀全黑。

拿 ... 拿 ... 拿 ... 老馬就係畀果張紅色o既 label 吸引左o勒

個包裝整體都頗為簡潔

下面綠色果盒就係配件

開左綠色果纸盒就見倒晒入面跟黎o既配件o勒

跟黎o既配件計有:

一長一短 USB to Micro USB cable
一個 Micro USB 轉 Apple Connector
一個 USB male 轉 female adapter
果係灰色o既橡膠老馬仲未知有乜用, 可能係用黎扎住舊電同部電話, 方便你一路 charge 一路講電話
比轉可惜係無跟 Apple 最新o既 30-pin 0.2m Connector

舊電拎上手個感覺都唔錯可能四角圓圓地o既關係

睇睇個 Spec. 先:

電池 Battery:  Sanyo
容量 Capacity:  8400mAh
輸入 Input:  DC 5V ~ 1A
輸出 Output(Max):         1. DC5V~1A
2. DC5V~2A
體積 Dimensions:        62X100X22mm
重量 Weight:  193kg

個大細同重量對老馬一係麻甩佬黎講都算可以接受, 如果可以再輕 d 細 d 就 perfect o勒

左邊 Out 1 個 USB 就係最高輸出 1A 用黎 charge 一般手提電話

而右邊 Out 2 個 USB 最高輸出 2A 可以 charge 平板電腦用
中間上邊粒 LED 話係電筒 wur, 其實老馬成日覺得尿裝點解要跟電筒 function 
中間下面就係用黎 charge 舊電用o既 Micro USB input

舊電正面好簡單四粒蓝色 LED 加一粒掣
按粒製一下就可以顯示所剩餘電量
據黃金果位戴眼鏡o既 90 後 Sales 哥哥仔話每粒燈代表 25%, 50%, 75% 同 100% wur
計我話都唔知準唔準o既,
當長控粒掣约 3 秒, 就係老馬覺得最無用o既電筒開關o勒
而再長按 3 秒, 個電筒又會熄返

為左要真實紀錄呢舊電o既性能同埋可以初始化得好 d
所以老馬決定唔用大 A 數o既火牛 charge 呢舊電o既第一次
只係選擇左用電腦o既 USB outlet 黎 charge
好奇怪一開始已經有 3 粒 LED 著左
即係話出廠前生產商已經 charge 左電

竞然足足用左 7 個鐘頭零 8 分鐘先可以將最後呢粒 LED charge 到佢著埋

老馬覺得好奇怪, 雖然話用個 5V USB outlet 黎 charge 遮
都無理由果 25% 電要 charge 成 7 個鐘頭
如果要由無電 charge 起咪要成 28 個鐘頭, 即刻要 charge 日幾 
最後睇返說明書同網上一 d 資料
原來當充電達到 90% 左右時, 就會自動進入涓流 trickle o既運作模式
即係話會用較細o既電流量黎 charge 舊電, 所以第 4 粒 LED 要 charge 滿電, 所需要o既時間會較長

終於 charge 滿左舊電可以進行各方面o既 charge 電測試

老馬將會另文黎緊測試o既結果

MK17 同 MK25 分別

MK17 同 MK25 分別
一二吸係潛水最重要o既器材, 無左佢你只能夠玩閉氣潛水, 至於一二吸既構造安全性, 好多年前都已經肯定左差唔多所有市場上消售既產品, 不論樣貌已經超級合格。而家可以選擇o既係一個靚字。在網上發現一篇 MK17 MK25 o既構造比較, 節錄下來分享一下
MK17 同 MK25 分別為 MK17 係 balanced diaphragm 平衡隔膜式設計而 MK25 係 balanced piston 平衡活塞式設計

隔膜式同活塞式都會有平衡與不平衡式設計

簡單黎講平衡式的閥門開關不受氣瓶內氣壓改變, 而影響操縱閥門時所需推力, 反之不平衡式就受影響。

但所謂影響並不是想像中o甘大, 當然不平衡式在氣瓶內氣壓下降至較低時, 吸氣時感覺會比較重。

隔膜式閥門係由一層橡膠隔膜所覆蓋住, 而活塞式是依靠一個大活塞來打開及關閉閥門。
隔膜式好處是隔膜會將水份與一級內部零件分隔開, 特別係做工程的要去污濁水源地方潛水, 例如污水井、地盤工程等等, 污泥沙不會進入一級內部做成阻塞

Mares 除 Rover 12 係活塞式之外, 其他 model 都係隔膜式設計,

有人問點解唔全部用平衡隔膜式呢, 因為設計比較複雜、零件較多、維修價錢比較多小小。而不平衡活塞式設計簡單, 維持容易而且耐用, 大部分 dive shop 都會用黎訓練或者租借用途。

MK25 如果係玩技術潛水就合適 d, 一般 fun dive o既 diver 唔使用到佢部份功能, 且價錢比較貴。
一般 diver 用 MK11 或者 MK17 已經好足夠o勒, 價錢平好多。

我用 MK16 (MK17前身) 用咗6年, 都無問題, 記住年年去維修 check 下就好耐用。並唔會因為你買高型號 d 、貴 d 就好同耐用。

明唔明白, 日後去買野就唔使比人老點啦 

所謂密封式 / 非密封式係指一級內部設計分別。
現代某些一級設計到利用海水壓力作為一級內部運作的部份功能, 所以海水會導入一級內。

有密封式設計的一級, 海水不會進入一級內部部份地方。特別是在極低氣溫潛水,低溫會導致海水在一級內部結冰影響零件運作。又或者進行工程在混濁地方如排污渠進行潛水, 污泥沙土亦會弄壞一級。
現在某品牌一級出產額外零件將非密封式一級燮成密封式。而且使用幾種不同金屬材料防止結冰

Motorola S305 bluetooth headset

睇見同事用呢款藍芽耳筒, 外型討好唔似一般入耳式o既耳筒, 唔用o既時侯唔知擺o係邊好, 呢個就o甘掛o係頸度就得非常方便。

呢款始終都唔係新產物, 行左好多鋪頭包括旺角 d 大連鎖店, 都係揾唔倒黎買, 最後 search 倒間網上鋪先有貨, 3 百零蚊算係合理價錢。

攞到返屋企急不及待, 第一時間插著佢叉電, 怱怱翻開說明書, 一面叉住電一面做 pairing, 用部 HTC Desire 同部 iPad 試, 過程都好順利一認就 pairing 倒, 說明書話要入 password, 但兩部做 pairing 都無問攞 password wur???

所有 control o既 function 係兩部機度都用度, 唯獨o係 iPad 度揀歌o既次序我仲未係好清楚, 有待再用熟 d 就能更得心應手,。

至於音質方面, 用黎聽電話當然無問題 la, 但個 mic 位距離比較遠, 對方聽你電話會覺得好細聲同好似跌左落個井度o甘, 死 la ... 如果o係街度要大大聲對住空氣講野, 唔知身邊 d 人會典睇我呢? 接聽電話始終走唔出藍芽耳筒o既死穴 -- 延遲, 按左個接聽制會等一兩秒先開始聽倒聲。用黎聽歌, 呢個價位o既貨, 當然唔好寄望高音甜、中音準 la, 總之可以接受 la。

藍牙® 操作距離

Class 2

藍牙®規格

A2DP 1.2, AVCRP 1.0

無線距離

高達10公尺

尺寸

36 x 16 x 10 毫米

連接埠

Micro USB插頭

通話時間

長達8小時

待機時間

長達180 小時

兼容性

MP3, PDSs, PCs,適用於任何支援藍牙功能的手機

潛水員在水底活動時會受到那些物理因素影嚮

雖然好多潛水組織教材都有提及的題目, 但老馬最近讀到的一篇文章, 提到幾個重點寫得簡單又易明, 老馬試節錄於下, 以公諸潛水同好分享。

温度
水對温度之傳導力為空氣的 25 倍, 所以要穿著潛水, 以減少對水之接觸面積, 減低體温之喪失。

密度
水的密度及黏稠度比空氣大得多, 故潛水員在水中任何動作, 均比在空氣中吃力。

聲音的傳遞
聲音在水中傳遞速率為空氣中的 4 倍(水中傳遞速率為 4,700 呎 / 秒, 空氣傳遞速率為 1,090 / 秒)。聲音在水中多以直線進行, 使得潛水員沒有三度空間之感覺而喪失方向感。另外因耳膜周圍之水壓使耳膜彈性喪失, 且在水中多以骨性傳導來接收聲音, 故聲音音量需要提高 40 ~ 75 分貝才可聽到。

光線的折射
由於光線在水中之折射率為空氣中的 1.3 倍, 所以在水中看物體會比原來放大及拉近 1/ 4。

光線對潛水員的影響
因眼角膜和水的界面使得光的折射率降低, 潛水員均成為遠視、散光而看不清楚物體。太陽光在水深 33 呎(10 米)時, 只有 40% 光線可透過, 其餘均被水吸收, 其中紅光先被吸收, 而後為藍光, 因此在水深 50 呎(15 米)以下的水中物體均呈暗綠色。

潛水員的方向感
人在空氣中時, 以視覺, 聽覺及身體感覺來辨別方向。在水中由於光線被吸收，水又混濁，使得視力大大減低, 又因聽力產生異常及浮力使身體表面感覺混淆, 所以潛水員在水底時大多需要借助輔助工具, 如浮標、錨繩、敲擊氧氣樽身等來辨識水中的方向。

傷患連連

足足困擾左兩個多月o既腰傷, 老馬趁今日放緊 annual leave 終於的起心肝, 去醫院睇睇究竟係乜野一回樹 ...
一早打定電話去寶血醫院諗住 book 定骨科, 然後施施然去睇醫生, 唉! 典豬專科即係專科要五點鐘先開診, 仲要到時到候親身過去排隊。
hea 完一大輪四點幾過到去登記, 未見官先打五十大板, 相金先惠三百專科診金唔該, 等左半粒鐘倒, 入到去全程要自己演譯, 個醫生淨係問左一句"有無痺?", 跟住就猛寫猛寫去我去照 x-ray, 下個禮拜黎覆診 =.=
入到 x-ray 室又要除褲又要著袍, 最攞膽仲要擺埋 d 成隻蝦o既姿勢俾個護士影 ...
去到埋單先爭 d 暈左 診金 300 + 藥費 325 + x-ray 540 盛惠 1165
做醫療真好撈, 當初真係揀錯科讀乜鬼 IT 丫, 做到成個阿四拱先得雞碎貢多
老規舉每次睇完呢類醫生都會睇睇佢開 d 乜野藥俾我, 西藥不外乎都係果 d 消炎止痛, 肌肉放鬆之類 ...

1. 今次好奇怪放左隻鈣片俾我, 唔通年紀大要補補條腰骨 =.=
CALTRATE 600 (Ca Carbonate 1500mg)

2. 而止痛消炎就用 CELEBREX 200MG CAPSULES

學名: Celecoxib

商品牌子名: Celebrex (痛博士)

藥物製造商: Pfizer

劑型: 膠囊

香港註册編號:

HK-44730 (100亳克)

HK-44731 (200亳克)

孕婦用藥分級: C / D (懷孕期第三期)

藥理: Celecoxib為非類固醇消炎止痛藥，可選擇性地抑制環氧酶-2(COX-2)，以阻斷前列腺素合成，具備消炎、止痛及解熱作用。一般用於骨性關節炎及類風濕性關節炎。

用途: 骨關節炎、類風濕關節炎、成人急性痛症及原發性經痛及家族性腺瘤息肉病

劑量:汹

l 骨關節炎：每日兩次，每次100毫克；或每日一次，每次200毫克

l 類風濕關節炎：每日兩次，每次100至200毫克

l 成人急性痛症及原發性經痛：第一日初次服用400亳克，如有需要，可再服200毫克。在接著的日子，有需要時可每日兩次，每次200毫克。

l 家族性腺瘤息肉病：每日兩次，每次400毫克(飽腹服用)。

用藥禁忌:

對磺胺類(Sulphonamides)藥物、Aspirin(阿士匹靈)或其他非類固醇消炎止痛藥(NSAIDs)敏感症者及懷孕期第三期女仕不宜服用此藥。

用藥注意:

如你屬於下列高危人士，請詳細向醫生查詢關於傳統非類固醇消炎止痛藥(NSAID) 和 COX–2 抑制劑對於治療效果及副作用風險的平衡。

• 已患有缺血性心臟病或中風
• 近期曾接受冠狀動脈血管繞道手術
• 有罹患心臟病的高危因素，如高血壓、高血脂症、糖尿病及抽煙或患有周邊動脈血管疾病的病人
• 患有腸胃及消化系統疾病

常見副作用: 一般包括頭痛、眩暈、便秘、噁心、腹痛、腹瀉、消化不良、胃氣脹、嘔吐等。

藥物相互作用: 中和胃酸的胃藥(含碳酸鈣、鋁或鎂)與此藥同服時，會減低此藥的效能。與降血壓藥(如利尿劑及ACEI等)使用，可減低降血壓效果。 與Warfarin(華法林)聯合應用時，Celecoxib 有機會增強抗凝血效果，應密切監測其抗凝血作用。

醫管局藥物分類: 自費藥物

藥物法例分類: P1S1S3（此藥為醫生處方藥物，須由藥劑師核實處方後配藥）

美國食品及藥物管理局（FDA）和英國國家卓越臨床研究中心(NICE)建議：FDA指出Celecoxib 跟其他非類固醇消炎止痛藥(NSAIDs)一樣，都有增加心血管病發的機會。






3. 肌肉放鬆就用左呢隻 MYDOCALM 50MG TABLET

http://translate.google.com/translate?js=y&prev=_t&hl=en&ie=UTF-8&layout=1&eotf=1&u=http%3A%2F%2Fen.wikipedia.org%2Fwiki%2FTolperisone&sl=en&tl=zh-TW